close
星期五晚，想出去食飯但又唔想去D人多既地方，所以去咗西貢一間小小的日本餐廳 - 秀作。
一坐底，先上一碗漬物(通常每一間日本食店都有白己既漬物) - 矮瓜同羅白，味道不錯，少少辣，幾開胃。
我哋首先order一個三文魚同劍魚刺身。刺身都夠新鮮同厚。
再上一個清洒煮蜆，幾好味而Ｄ湯好甜及好香清洒味。我老公係咁飲D湯！
又叫咗一個芒果三文魚卷，有小小加洲卷的樣子。
三文魚表面烤一下，內裡仍生，加上芒果及蟹子，幾醒胃。
當然要試吓特上壽司，如果要比較，一定比不上湖舟或耆今村。
材料新鮮，但飯握得不太好，未放入口就鬆。
最後，想試寸燒，牛舌及鷄腎。燒得不錯且不旱，仍有肉汁。
埋單$560，食物以熱嘢好過壽司，但小店好有居洒屋感覺，可再去！
全站熱搜
留言列表
美食 
