好耐冇介紹過好食地方，今次忍唔住要介紹新蒲崗成記牛什粉麵。我同老公差不多每個星期也去一次，我自己覺得佢既牛丸係全香港最好食! 不過成記係好街坊小店，光顧通常到街坊，可能有d污糟，如大家怕就不用去。不過我同老公都特登揸車去成記，而且我仲著到靚靚咁都去食，因為好味!!
成記既牛丸係牛根丸，如各下要求牛丸可當乒乓球打，就不要叫牛丸或去別處吧(本人十分吐厭彈牙牛丸) ! 成記牛丸肉質不太彈牙，但肉丸本身極有肉味，咬下去有肉汁，內有東菜，亦明顯冇加粉，簡直人間極品，十分好味！呢碗牛丸可使我放不下筷子，一粒又一粒咁不停食，好似着魔....
成記牛腩亦一流，肚腩的肥膏極為甘香，瘦肉鬆化得來亦不黐牙，湯底十分正!!! 我覺得好食過大埔群記!! 提起都想食!!!!
我同老公一人一碗腩河，再加淨牛丸(大)，再加一碗淨牛什!牛肺軟稔得來亦帶點彈牙口感，牛腸好肥好甘，牛膀亦正!
全站熱搜
留言列表
美食 
