Life is a journey - sillyshopgirl

前幾天老公為煩惱宴請sillycat兩公婆去邊度吃晚餐，老公提及福臨門，我腦海浮現好味兩個字，於是昨晚一行四人到福臨門晚餐。其實之前也寫過福臨門，但實在太喜歡福臨門，所以要再寫一次! 首先兩隻紅燒BB鴿，好香，好好味!

跟住係西檸香煎鷄柳，鷄柳一D都唔肥膩，檸汁亦十分香，真好味，比益新更加好味!

蟹皇扒露筍，蟹皇係超多，亦用了很多蟹肉做獻汁，而且蟹肉係一梳梳，福臨門做得十分出色

蝦膠讓豆腐，蝦膠好新鮮，因為好爽口，獻汁也用上蟹肉蛋白

當然有我最愛既荷葉雞粒飯，我每次都必食!飯粒乾身得很，丁點多餘的油份也沒有；用料極豐 (瑤柱絲、花菇粒、雞及燒鴨粒、蝦乾等)，吃得出用上的全部也是靚貨。鮑汁令飯帶了多點鮮味，而且又全然上晒色，再加上清香荷葉味，簡直係正。這樣的米飯，怎可能不好吃 ?

呢度的炸子雞亦係出名，皮脆肉嫩，好有水準

最後係我最愛甜品，蛋白杏仁露。我以前唔鍾意吃杏汁，覺得味道好怪，但幾年前係福臨門試過佢哋杏仁露，一試愛上，每次飲茶或晚餐，必留肚食呢個蛋白杏仁露，而且我個人覺得佢哋既蛋白杏仁露係全香港最好食!

埋單$1300，以一流服務，舒適既環境，好好好味既菜式，直係只可用一個字來形容，正!