盤菜大家一定食過，唔知大家有冇食過屋企整既盤菜呢?首先要講，我哋唔係圍村人!我昨晚到姑姐屋企晚飯，姑姐就整了一個盤菜。呢個盤菜有白蘿白、竽頭、蓮藕、豬手、豬利、豬皮、東菇、鵝掌、蠔士、花膠、鷄、茄汁大蝦、燒鵝。除了燒鵝係外賣，因姑姐唔識燒燒鵝，其餘所有嘢係佢煮，而花膠係鷄泡魚花膠。每一味餸都好入味，呢個盤菜係10人份量，我哋話如果出面買要成$2000，姑姐你真係勁!
仲有姑姐自家蘿白糕，好香，蘿白係一絲絲...
仲有精彩羊肉湯，姑姐用了5斤羊肉，新鮮馬碲、圓肉、肉竹頭、南棗及杞子煲成，那淡湯甜到冇得頂，羊肉又香，飲完個胃好暖！
好大隻蠔呀，係咪以為美國珍寶蠔?姑姐係流浮山即買即開的肥蠔，新鮮冇"啤水"，所以唔縮水，佢就煮了薑葱屈蠔，實在太好味，食到唔記得影相。我可以講蠔十分鮮味，肚那部份好爽好香，完全唔會林"啤啤"，簡直使人不段想食!
全站熱搜
留言列表
美食 
