Life is a journey - sillyshopgirl

我部thinkpad notebook係上星期四突然壞了，攞咗去整，不過最少要10日以上，冇電腦真係好似返咗石器時代咁!! 老公見我好失落，於是就到豐澤買這部Lenovo U350 比我做backup，等我可以繼續上網、寫blog、玩facebook....嘻嘻! 多謝老公!!

之前提過係東京，意外地比我哋揾到呢張Wedgewood Wildberry枱布，今日就為枱布開封!

記得接觸天文學，係初中大概中一、ニ左右。因為貪玩而參加天文學會，而且覺得睇星可以有藉口去夜街，再加上會員絕大部份係男同學，所以就係咁入咗天文學會。由初初只為去夜街，到慢慢喜歡天文，後期更成為學會嘅幹事。由起初唔知天上係咩星，漸漸知道冬天用獵戶座、夏天用天羯座去找其它星，再知道夏天大三角或冬天大三角等等。

今日發生了一件不愉快既事，就係發現有人用了我網誌的相！ 我係blog上同大家分享，但唔代表任由大家可據為己有，所以大家會發現我已為相片加上記號，希望不會影響大家睇我個blog! 同時希望那位賊仔明白，那些相是我係fashion show 上自己影，所以我一睇就知你偷相!!!!!!

咁快又一年，當年紀漸老就更怕生日，況且我由小到大都十分怕別人為我慶祝生日，尤其砌蛋糕那種! 每年只希望與家人，或我愛既人食餐飯就心滿意足。今年除老送了powershot G10比我，sillycat更十分體貼送了我wild berries香水，她還親手做了小心意咭，多謝sillycat!

老公送了這個新玩具給我 - Canon Power Shot G10！ 多謝老公  

妹妹剛搬入元朗葡萄園，趁今日假期就去了她家游水。今日好好天，後花園好舒服!

昨日同老公去九龍城買餸，行經九龍城廣塲既吉之島$10店，一於入去尋寶! 首先見到呢D可愛既紙杯....即買。

又係Sogo既週年慶，那天除了買Le Creuset，我自己就買了TC Towel, Wedgewood tableware.....

我相信不少喜歡煮西餐既人，應該聽過法國 Le Creueset 廚具。Le Creuset Cast Iron 廚具來外層是陶瓷，內層是鑄鐵，表面加上兩層琺瑯，所以比不鏽鋼和鋁合金重好多。老公之前已買了一個30cm 圓形煲，係雜誌見到Sogo因慶祝24th，Le Creuset特別引進只係日本發售既粉紅色心形24cm煲，只得50個！多得sillycat一早排隊，先可幫我老公買了一個心形煲。Thank you, sillycat!

星期五晚同老公去玩TC大出血，同老公去times sqaure揾食，見到呢個chocolate rain既exhibition，佢果D併布既公仔好可愛，把我給引埋去。

老公上星期係中環The PanHandler買了這套Nigella茶杯比我，因我常常飲茶，呢對咁既杯一定啱我!

我係一個茶精，老公見我個茶壼好舊，所以提意我買一個新茶壼。行經Franc Franc，見到呢個Franc Franc x Bodum coffee Pot，好靚同好適合我一個人用，而且又係Bodum出品。平時一個差不多size 既Bodum壼都要$300,400元！

老公好鍾意睇Nigella Lawson既節目，因為佢覺得Nigella煮嘢好簡單同好有條理。係magazine見到太子大厦panhandler有得賣，即去了買呢set刀 + chopping board。

一位投緣既長輩，去了土耳其旅行，買了這條好靚既手鏈比我做手信。手鏈上既藍色眼仔，係土耳其係好運及駒鬼作用！多謝何醫生!

今晚既月亮，係52年嚟最大，所以走上天台，為美麗既日亮小姐留倩影！好似乒乓波咁大呀!!

我同老公已中了波兒毒，因我哋係戲院睇了2次崖上的波兒(粵語及日語版)，昨天更瘋狂地去了旺角買一些波兒東西，好可愛呀!

祝大家牛年順利，身體健康！

終於搬入新屋了，呢個sweet home好舒服好warm!

由於今週要搬屋，一連幾天也在家中狂執屋，連Tsumori Chisato有新貨也沒有時間去，但Ah Pan話比我知Tsumori Fashion 09SS 會係1日15日舉行。講開搬屋，今日Ikea同Franc Franc都送了傢俬來，我好鍾意呢個Ikea大衣櫃！